30.04.2026 | 09:45
ՀՀ տարածքում ավտոճանապարհները հիմնականում անցանելի են
Ի՞նչն է ստիպել կառավարությանն այսչափ նոր պաշտոններ ավելացնել Դատախազությունում. Էդմոն Մարուքյան
Քաղաքականություն
20.01.2020 | 20:19
ԱԺ «Լուսավոր Հայաստան» խմաբկցության ղեկավար Էդմոն Մարուքյանը ֆեյսբուքի իր էջում գրել է.
«Ապօրինի ծագում ունեցող գույքի բռնագանձման մասին» օրենքի և կից նախագծերի փաթեթով առաջարկվում են նոր պաշտոններ դատախազությունում՝
– Գլխավոր դատախազի՝ ապօրինի ծագում ունեցող գույքի բռնագանձման ոլորտը համակարգող տեղակալ, դրույքաչափը՝ 12.50
ընդ որում՝ գլխավոր դատախազի մյուս տեղակալների դրույքաչափը գործող օրենքով 11.00 է
– «Ապօրինի ծագում ունեցող գույքի բռնագանձման մասին» օրենքով նախատեսված գործառույթներ իրականացնող վարչության պետ, դրույքաչափը՝ 10.00
ըստ այդմ՝ հավանաբար նաև նոր վարչություն
– «Ապօրինի ծագում ունեցող գույքի բռնագանձման մասին» օրենքով նախատեսված գործառույթներ իրականացնող դատախազ, դրույքաչափը՝ 9.00
այս թիվն ավել է այլ դատախազների աշխատավարձից՝ Երևանում՝ 1.00, մարզերում՝ 2.00 դրույքաչափով
Հետաքրքիր է, իսկ ի՞նչն է ստիպել կառավարությանն այսչափ նոր պաշտոններ և հատկապես նոր տեղակալի պաշտոն ավելացնել դատախազությունում ․․․»,- գրել է նա:
