20.01.2026 | 22:24
Թուրքիայի քրդամետ կուսակցությունը հայտարարում է Սիրիայում քրդերի դեմ ցեղասպանության մասին՝ մեղադրելով Անկարային
«Մաքսատուրքերից ազատվելու արտոնությունից անձն իրավունք ունի օգտվել միայն մեկ անգամ»․ ՊԵԿ փոխնախագահ. ՏԵՍԱՆՅՈՒԹ
Տնտեսություն
20.01.2020 | 14:10
Մաքսատուրքերից ամբողջությամբ ազատվելու արտոնությունից անձն իրավունք ունի օգտվել միայն մեկ անգամ։ Այս մասին այսօր՝ Հայաստան վերադարձողների անձնական իրերը մաքսատուրքերից և հարկերից ազատելու նախաձեռնության թեմայով ասուլիսի ընթացքում նշեց ՊԵԿ նախագահի տեղակալ Շուշանիկ Ներսիսյանը։
«Եթե անձը 1-1․5 տարի մեկնել է արտերկիր՝ աշխատելու, հետո որոշել վերադառնալ Հայաստան, ապա կարող է առանց մաքսատուրքի մինչև 5000 եվրո արժողությամբ ապրանք ներմուծել։ Այս դեպքում անձն արտոնությունից կարող է 3 տարին մեկ օգտվել»,- ասաց Շուշանիկ Ներսիսյանը։
Նրա խոսքով՝ օրենսդրական փոփոխություններից զատ, նաև վերանայվել է փաստաթղթերի ցանկը, որը քաղաքացիներից պահանջում է՝ մաքսային արտոնություն ստանալու համար։ «Եթե առաջ X փաստաթուղթը պետք է ամբողջ աշխարհով պտտված լիներ և բոլոր հնարավոր նոտարական կնիքներն ունենար, որպեսզի արտոնությունը տրամադրվեր, ապա այդ մասով ևս թեթևացրել ենք։ Արվում է առավելագույնը, որ քաղաքացիները, որոնք իսկապես Հայաստան են գալիս՝ մշտական բնակության, հենց սահմանին ոչ մի խնդրի չբախվեն։ Վարչարարությունը խիստ է բոլոր այն դեպքերի համար, երբ այս արտոնությունը կփորձեն չարաշահել՝ առանց մաքսազերծման որևէ ապրանք Հայաստան ներմուծելու համար։ Վերջերս 80-ն անց մի կին Վրաստանից Հայաստան բնակության էր վերադառնում, իր հետ 2019 թվականի Բենթլի էր բերում և լիազորել էր երկու երիտասարդի, որ զբաղվեն իր հարցերով։ Վարչարարությունը նման դեպքերում շատ խիստ է լինելու։ Մյուս բոլոր դեպքերում մաքսային մարմինները փորձելու են անել ամեն ինչ, որպեսզի քաղաքացիները հեշտ վերադառնան Հայաստան»,- ասաց ՊԵԿ փոխնախագահը։
Մանրամասները՝ տեսանյութում։
Նելլի Մելքոնյան
