20.01.2026 | 22:24
Թուրքիայի քրդամետ կուսակցությունը հայտարարում է Սիրիայում քրդերի դեմ ցեղասպանության մասին՝ մեղադրելով Անկարային
Պետք է դեմքով շրջվենք դեպի գյուղացին. Սպառողների միության նախագահ. ՏԵՍԱՆՅՈՒԹ
Հասարակություն
20.01.2020 | 14:36
Ժողովրդի հետ այսպես չի կարելի վարվել՝ առանց պատրաստելու որոշում կայացնել, որը վատացնում է մարդկանց պայմանները: Կառավարության դիմաց մսավաճառների կազմակերպած բողոքի ակցիայի ժամանակ Factor.am-ի հետ զրույցում ասաց Սպառողների միության նախագահ Արմեն Պողոսյանը:
«ՍԱՏՄ կոչված կազմակերպությունը, որի խորհրդի անդամ եմ ես, ու ես լսում եմ մամուլից, որ կայացել է քննարկում: Սա անընդունելի է, բոլոր օրենքների խախտում է՝ Օրհուսի կոնվենցիայից սկսած: Մարդն իր առողջության հետ կապված հարցերին պետք է մասնակից լինի՝ ոչ միայն տեղեկացված, այլ մասնակից»,- նշեց նա:
Անդրադառնալով հանրապետության առկա սպանդանոցների թվին՝ Արմեն Պողոսյանն ասաց՝ կեղծ տեղեկություն են տրամադրել: «Հայտարարում են, որ 24 սպանդանոց կա, այսօր եմ նայել ՍԱՏՄ-ի կայքը. 16 հատ սպանդանոց կա, որոնցից 2-ը սեփական են և չեն ընդունում մորթ, 2-ը՝ թռչնի համար են: Ինֆորմացիան կեղծ է»,- պնդեց Սպառողների միության նախագահը:
Արմեն Պողոսյանն ասաց՝ եթե գյուղացուն անելանելի իրավիճակում ենք դնում, ինչպե՞ս է զարգանալու երկիրը. «Մի ժամանակ կար լոզունգ՝ դեմքով դեպի գյուղը: Մենք պետք է դառնանք դեմքով դեպի գյուղը: Այդ մարդիկ ապահովում են մեր սնունդը, մեր տնտեսությունը: Փոխանակ 2 կով ունեցողին նպաստենք, որ դարձնի 4, պայմաններ ենք ստեղծում, որ մորթի կամ օտարի, ազատվի և արտագաղթի»:
Մանրամասները՝ տեսանյութում:
