31.08.2026 | 21:34
Մեսին հայտարարեց Արգենտինայի հավաքականում կարիերան ավարտելու մասին
Արթուր Ալեքսանյանը ոսկե մեդալ է նվաճել՝ հաղթելով ադրբեջանցի մարզիկին
20.01.2020 | 12:48
Ֆրանիսական Նիս քաղաքում անցկացված Անրի Դեգլանի անվան ըմբշամարտի միջազգային մրցաշարում Արթուր Ալեքսանյանը նվաճել է ոսկե մեդալ:
Արթուրը 97 կգ քաշային կարգում պայքարը սկսել է 1/8 եզրափակչից, որտեղ նախ 10:1 հաշվով հաղթել է Վրաստանի ներկայացուցիչ Վալերիան Մուրվանիձենին, իսկ քառորդ եզրափակչում Ալեքսանյանը 8:0 հաշվով հաղթել է Հոնդուրասի ներկայացուցիչ Քեվին Մեջիայինին։
Արդեն կիսաեզրափակչում 2:1 հաշվով մեր մարզիկը հաղթանակ է տարել Բելառուսի ներկայացուցիչ Ալեքսանդր Խրաբովիկի նկատմամբ: Իսկ ահա եզրափակչում 3:1 հաշվով Ալեքսանյանը առավելության է հասել Ադրբեջանի ներկայացուցչի` Օրհան Նուրիևի նկատմամբ:
Հայաստանի ըմբշամարտի հավաքականը ևս 2 արծաթե ու 4 բրոնզե մեդալ է նվաճել Ֆրանսիայի մրցաշարում:
Արծաթե մեդալակիրներ են դարձել Ռուդիկ Մկրտչյանը (55 կգ) ու Կարապետ Չալյանը (77 կգ): Բրոնզե մեդալներ են նվաճել Գևորգ Ղարիբյանը (60 կգ), Սլավիկ Գալստյանը (67 կգ), Մալխաս Ամոյանը (72 կգ) և Ռուբեն Ղարիբյանը (82 կգ):
Հիշեցնենք, որ հունահռոմեական ոճի ըմբշամարտի հավաքականը 10 ըմբիշով է մասնակցել Նիցցա քաղաքում անցկացված Գրան Պրի մրցաշարին:
