17.11.2024 | 18:22
Երևանում կկայանա աշխարհահռչակ շանսոնյե Շառլ Ազնավուրին նվիրված «Մսյո Ազնավուր» ֆիլմի պրեմիերան
«Մի բակում ենք մեծացել, խորը ցավ եմ ապրում»․ Սիսակ Գաբրիելյանը՝ Գեորգի Կուտոյանի մասին. ՏԵՍԱՆՅՈՒԹ
Հասարակություն
19.01.2020 | 21:17
Ցավակցում եմ իր հարազատներին, ընկերներին։ Մենք միասին մի բակում ենք մեծացել։ Քիչ առաջ այստեղ բակի տղաներով որոշ դրվագներ էինք հիշում։ Խորը ցավ եմ ապրում։ Այս մասին այսօր՝ ԱԱԾ նախկին տնօերն Գեորգի Կուտոյանի հոգեհանգստին լրագրողների հետ զրույցում նշեց ԱԺ «Իմ քայլը» խմբակցության պատգամավոր Սիսակ Գաբրիելյանը։
«Չեմ ցանկանա տրվել շահարկումների և որևէ մեկնաբանություն անել։ Ցավալի է, որ տարբեր կողմերից տարբեր կերպ է մեկնաբանվում։ Կարծում եմ՝ իրավապահների կողմից թափանցիկ ու օբյեկտիվ աշխատելու անհրաժեշտություն կա, որպեսզի հուզող բոլոր հարցերի պատասխանները տրվեն։ Ինձ համար շատ անսապասելի էր։ Իրեն ճանաչելով, ասում եմ, որ հավասարակշռված անձնավորություն էր՝ նվիրված թե՛ իր բակին, թե՛ հարևանությանը։ Իմ մեծ ցանկությունն է, որ օբյեկտիվ քննություն ընթանա և բոլոր մանրամասները հայտնի դառնան»,- ասաց պատգամավորը։
Մանրամասները՝ տեսանյութում։
Մերի Մարտիրոսյան
