14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
1984–ին Վլադիմիր Մովսիսյանին թուրքերն առևանգեցին սահմանին, արդյունքում նա 14000 հեկտար հող խլեց Ադրբեջանից. «Փաստ»
20.10.2017 | 09:34
«Փաստ» օրաթերթը գրում է.
1984 թվականի հոկտեմբերի 24–ին Նոյեմբերյանի շրջանի Դովեղ գյուղի՝ Ադրբեջանի հետ սահմանագծին ազերիները մի քանի հարյուր հոգով առևանգեցին Մինիստրների խորհրդի նախագահի տեղակալ, Ագրոպրոմի նախագահ Վլադիմիր Մովսիսյանին և տարան ադրբեջանական Ղազախ քաղաք:
Մովսիսյանը Դովեղ էր եկել հայ–ադրբեջանական սահմանը ճշտելու նպատակով ստեղծված հանձնաժողովի հայ և ադրբեջանցի անդամների հետ:
Մինչ հանձնաժողովը կուսումնասիրեր հարցը, թուրքերն արդեն իրենց պատրաստությունը տեսել էին: Անտառում հավաքել էին հարյուրավոր մարդկանց, անգամ դպրոցականներ էին բերել: Տեսնելով հանձնաժողովականներին, հարայ–հրոցով, ոռնոցներով վրա են տալիս: Փայտերով, գյուղատնտեսական գործիքներով զինված ադրբեջանական խուժանը հարձակվում է նրանց վրա: Դաժան ծեծի են ենթարկում հայ պատվիրակներին:
Վլադիմիր Մովսիսյանին իրենց հետ Ադրբեջան են տանում. հարվածներից նա ուղեղի ցնցում էր ստացել: Այդ վիճակում նրան գցել էին բեռնատարի թափքը ու հետները տարել: Հողերից հրաժարվելու մասին տեքստը գրել ու դրել էին առաջը, ստիպելով, որ ստորագրի: Մովսիսյանը հրաժարվել էր: Կացինը պահել էին վզին ու պարտադրել: Բնականաբար ոչնչի չէին հասել. ադրբեջանական մահացու սպառնալիքի տակ նա մնացել էր անդրդվելի, ասելով, որ այս ամենի համար իրենք դեռ պատասխան կտան: ՊԱԿ–ի և ոստիկանական ուժերի համատեղ ջանքերով մի քանի ժամ անց Մովսիսյանը վերադարձավ: Այնուհետև նա մեկնեց Մոսկվա և նոր հանձնաժողով բերեց:
Վլադիմիր Մովսիսյանի շնորհիվ վերանայվեցին Հայաստան–Ադրբեջան ողջ սահմանները: Արդյունքում Հայաստանին վերադարձվեց 14 հազար հեկտար:
Մանրամասները՝ թերթի այսօրվա համարում:
