14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Դալմա Գարդեն մոլը վաղվանից բաց կլինի
18.01.2020 | 23:00
Վաղը՝ հունվարի 19-ին, առավոտյան ժամը 10։00-ից Դալմա Գարդեն մոլն իր դռները կրկին կբացի: Այս մասին տեղեկանում ենք առևտրի կենտրոնի ֆեյսբուքյան էջից:
«Համապատասխան պետական մարմինների կողմից մատնանշված խնդիրների լուծմանն ուղղված քայլերն իրականացվել են։ ԱԻՆ և ՀՀ Քաղաքաշինության Պետական Կոմիտեի աշխատակիցների շրջայցերի ընթացքում կատարված ուսումնասիրությունների արդյունքում շենքի կառուցվածքային կամ այլ տեսակի խնդիրներ չեն հայտնաբերվել։ Շենքն ապահով է և ամուր, բայց դատարկ՝ առանց իր սիրելի հաճախորդների։ Նախորդ 10 օրերը դժվար էին մեզ համար, սակայն այդ ժամանակահատվածում մենք ստացանք շատ նամակներ ու մեկնաբանություններ, որոնք ոգևորեցին, հուզեցին, լցրեցին կարոտով, և մենք էլ ավելի մեծ եռանդով ու անհամբերությամբ սկսեցինք սպասել բացմանը, որպեսզի նորից հանդիպենք ձեզ, և մոլի՝ արևի լույսով լցված, բայց դատարկ պատերը նորից շունչ առնեն և ողողվեն ծիծաղով, հապճեպ քայլերի ձայներով, ժպիտներով ու սիրով։ Այսօրվա գրառումը կրում է միայն դրական ուղերձ։ Թող այսուհետ ցնցումները լինեն միայն սիրուց»,- նշված է Դալմա Գարդեն մոլի տարածած հաղորդագրության մեջ:
Հիշեցնենք, որ հունվարի 9-ին՝ 18։40-ի սահմաններում Դալմա Գարդեն մոլի երկրորդ հարկի որոշ հատվածում մոտ 30 րոպե տևողությամբ ցնցումներ էին գրանցվել, ինչից հետո հաճախորդներն ու աշխատակիցները տարհանվել էին:
ԱԻՆ ՓԾ աշխատակիցներն օրեր շարունակ հետազոտական աշխատանքներ էին տանում՝ պարզելու տեղի ունեցածը: Ավելի ուշ հայտնի դարձավ, որ ցնցումը եղել է օդափոխման համակարգի պատճառով։
