20.01.2026 | 19:10
Չեռնոբիլի ատոմակայանն անջատվել է արտաքին էլեկտրամատակարարումից ռուսական հարձակումից հետո. ՄԱԳԱՏԷ
Ավստրալիայի տուրիստական բիզնեսը հսկայական կորուստներ կկրի հրդեհների պատճառով
Տնտեսություն
17.01.2020 | 23:00
Ավստրալիա ուղեւորություններ պլանավորող արտասահմանցի զբոսաշրջիկների թիվը 10-20 տոկոսով կրճատվել Է երկրում մոլեգնող բնական հրդեհների պատճառով: Ինչպես հայտնել Է Australian Financial Review-ը, մինչեւ տարեվերջ զբոսաշրջության ճյուղը կարող Է կորցնել 4,5 մլրդ ավստրալական դոլար (մոտավորապես 3 մլրդ ԱՄՆ-ի դոլար), տեղեկացնում Է «Արմենպրես»-ը:
«Զբոսաշրջության ծառայությունների արտահանման ավստրալական խորհուրդ» ճյուղային կազմակերպության կառավարիչ-տնօրեն Փիթեր Շելլին հրատարակությանը պատմել Է, որ դիտվում են «խոշոր հանգուցային շուկաների՝ Ամերիկայի, Մեծ Բրիտանիայի եւ Չինաստանի» հրաժարումներ: Նրա խոսքով՝ արտասահմանցի զբոսաշրջիկները տարեկան 45 մլրդ ավստրալական դոլար (մոտավորապես 30 մլրդ ԱՄՆ-ի դոլար) են բերում երկրի տնտեսություն:
Ավստրալիայում հրդեհների հետեւանքով, որոնք սկսվել են դեռ 2019 թվականի սեպտեմբերին եւ մինչ այժմ մարված չեն, արդեն միլիոնավոր հեկտար հողեր են այրվել: Վերջին ամիսների ընթացքում կրակը 27 մարդու կյանք Է խլել, ոչնչացրել ավելի քան 2 հազար տուն:
Սիդնեյի համալսարանի գնահատումների համաձայն, ոչնչացել Է ավելի քան 1 մլրդ կենդանի: Առանձին վայրերում հրդեհներն այնքան ուժգին են, իսկ ծուխն այնքան թանձր, որ օդից հրդեհաշիջումն անհնարին Է դարձել, հաղորդել Է ՌԻԱ Նովոստին:
