31.08.2026 | 23:00
Երևանում տեղադրվել է COP17-ի մեկնարկի հետհաշվարկի խորհրդանիշը
ԼՂ համակարտության կարգավորմանն ուղղված քայլերի իրականացման հարցում տեղաշարժեր կան. ՌԴ ԱԳՆ
Քաղաքականություն
17.01.2020 | 19:26
ՌԴ ԱԳ նախարարությունը հայտարարել է Լեռնային Ղարաբաղի հակամարտության կարգավորման ուղղությամբ որոշակի տեղաշարժերի առկայության մասին: ՏԱՍՍ-ի փոխանցմամբ՝ այս մասին ասված է լրատվամիջոցների հարցերին ՌԴ ԱԳՆ-ի կայքում հրապարակված պատասխաններում, որոնք նախապատրաստվել, բայց չեն հնչել 2019 թվականին ռուսական դիվանագիտության գործունեության արդյունքներին նվիրված ՌԴ ԱԳ նախարարի պաշտոնակատար Սերգեյ Լավրովի մամուլի ասուլիսի ընթացքում:
«Տեղաշարժեր կան «փոքր քայլերի» իրականացման հարցում, որոնց շուրջ ԱԳ նախարարները պայմանավորվել են 2019 թվականի ապրիլին Մոսկվայում հանդիպման ժամանակ, զարգանելու 2019 թվականի մարտին Վիեննայում Ադրբեջանի նախագահի և Հայաստանի վարչապետի միջև ձեռք բերված պայմանավորվածությունները: Իրադրությունը սահմանում և շփման գծում հարաբերականորեն հանգիստ է: Երևանի և Բաքվի միջև կապի թեժ գիծ է գործում: Կարծում ենք, որ այս ամենը վկայում է բնակչությանը խաղաղության նախապատրաստելուն ուղղված կոնկրետ քայլեր ձեռնարկելու՝ կողմերի մտադրության մասին»,- նշել են նախարարությունում:
«Սակայն կարգավորման բովանդակային հարցերի շուրջ առաջ շարժվել առայժմ չի հաջողվել»,- հավելել են ՌԴ ԱԳՆ-ում՝ կողմերի միջև առարկայական զրույցի վերականգնման հույս հայտնելով:
