02.07.2026 | 14:22
ԵՄ մակարդակով պատրաստվում են երեխաների համար սոցցանցեր մուտքի արգելք սահմանել
Գեորգի Կուտոյանի մահվան վայրում քննչական գործողություն է ընթանում․ ՈՒՂԻՂ
Տեսանյութեր
17.01.2020 | 15:36
ԱԱԾ նախկին պետ Գեորգի Կուտոյանի մահվան վայրում քննչական գործողությունը շարունակվում է։ Քննչական կոմիտեի նախագահի տեղակալ Արթուր Մելիքյանը լրագրողների հետ զրույցում հայտնեց, որ Կուտոյանի դին տանը հայտնաբերել է նրա կինը։
Մելիքյանի խոսքով՝ դիակի կողքին ատրճանակ է եղել։ Այլ մանրամասներ առայժմ հայտնի չեն։
Հիշեցնենք, որ այսօր՝ 15։00-ի սահմաններում, Երևանի Պարույր Սևակի փողոցի բնակարաններից մեկում հայտնաբերվել է ԱԱԾ նախկին պետ Գեորգի Կուտոյանի դին՝ հրազենային վիրավորումով։
ՀՀ ՔԿ նախագահ Հայկ Գրիգորյանի հանձնարարությամբ դեպքի վայր են մեկնել ՀՀ ՔԿ նախագահի տեղակալ, ՀՀ ՔԿ ՀԿԳ քննության գլխավոր վարչության պետ Արթուր Մելիքյանը և ՀԿԳ քննության գլխավոր վարչության պետի տեղակալ Վ.Մեսրոպյանը: Դեպքի վայրում աշխատում են ՀՀ ՔԿ Քանաքեռ- Զեյթուն վարչական շրջանների քննչական բաժնի քննիչները՝ քննչական բաժնի պետ Հ. Գևորգյանի գլխավորությամբ:
