21.06.2026 | 21:01
«Քրիստոնեությունը կդառնա Հայաստանի նոր բրենդը»․ Ծառուկյանը՝ The Guardian-ին
Եգիպտոսն ազատ է արձակել Թուրքիայի պետական «Anadolu» գործակալության լրագրողին
Քաղաքականություն
17.01.2020 | 11:10
Հունվարի 15-ի երեկոյան Եգիպտոսի ոստիկանները մուտք էին գործել Թուրքիայի պետական «Anadolu» լրատվական գործակալության Կահիրեի գրասենյակ և բերման ենթարկել 4 աշխատակցի, որոնցից մեկը Թուրքիայի քաղաքացի, գրասեյակի ֆինանսական ու կազմակերպչական գործերի պատասխանատու, լրագրող Հիլմի Բալջըն էր. գրում է ermenihaber-ը:
«Եգիպտոսի ոստիկանության կողմից ազատ արձակվելուց հետո Բալջըն հունվարի 17-ի առավոտյան Կահիրեի օդանավակայանից մեկնել է Ստամբուլ:
Թուրքական աղբյուրը չի հայտնում եմ, թե իրավապահները գործակալության մյուս 3 աշխատակիցներին պահում են անազատության մեջ, թե ազատ են արձակել:
Ստամբուլի օդանավակայանում Բալջըին ծաղիկներով են դիմավորել «Anadolu»-ի աշխատակիցները:
Հիշեցնենք, որ «Anadolu» լրատվական գործակալության Կահիրեի գրասենյակի աշխատակիցների ձերբակալության կապակցությամբ Թուրքիայում Եգիպտոսի գործերով ժամանակավոր հավատարմատար Քեմալեթթին Էրույգուրին կանչել էին արտգործնախարարություն:
Թուրքիայի արտգործնախարարության պաշտոնական կայքում հրապարակվել էր հայտարարությունը, որով Անկարան Եգիպտոսի ուժայինների այդ քայլը որակել էր թուրքական մամուլի դեմ ուղղված «ոտնձգություն և ահաբեկում»: Թուրքիայի ԱԳՆ-ն պահանջել էր անհապաղ ազատ արձակել «Anadolu»-ի աշխատակիցներին»,- ասված է հաղորդագրությունում:
