14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Մենք ձեռնարկություններին ասում ենք՝ գնացեք բորսա և համոզեք մարդկանց, որ առանց բանկերի սկսեն ուղիղ ձեզ գումար տալ․ Վարազդատ Կարապետյան. ՏԵՍԱՆՅՈՒԹ
Տնտեսություն
16.01.2020 | 12:17
ԱԺ տնտեսական հարցերի մշտական հանձնաժողովի նիստի ժամանակ քննարկվում է ՀՀ հարկային օրենսգրքում փոփոխություններ և լրացումներ կատարելու օրենքի նախագիծը։
Նախագծի հեղինակներն են «Իմ քայլը» խմբակցության պատգամավորներ Արտակ Մանուկյանը, Վարազդատ Կարապետյանը և Բաբկեն Թունյանը։
Նախագիծը վերաբերում է մասնավոր ընկերությունների կողմից թողարկված պարտատոմսերին, բաժնետոմսերին և միջնորդական ծառայությունների հարկման տեսակներին։
Նախագծի հեղինակ Վարազդատ Կարապետյանը նշեց, որ իրենց հիմնական հաղորդագրությունն այն է, որ ուզում են ստեղծել բարենպաստ միջավայր, որ ձեռնարկություններն ուղիղ կարողանան ժողովրդի կողմից ֆինանսավորվել։
«Եթե մենք հիմա ունենք որոշակի խոչընդոտներ, սահմաններ բորսա մտնելու և բորսայի միջոցով իրենց բաժնետոմսերն ու պարտատոմսերն իրացնելու, ապա այս նախագծով հնարավորինս պարզեցնում ենք իրավիճակը։ Մենք ձեռնարկություններին ասում ենք՝ դուք դարձեք թափանցիկ, գնացեք բորսա, ցուցակվեք բորսայում և համոզեք մարդկանց, որ առանց բանկերի սկսեն ուղիղ ձեզ գումար տալ»,- ասաց Վարազդատ Կարապետյանը։
Մանրամասները՝ տեսանյութում։
