17.11.2024 | 18:22
Երևանում կկայանա աշխարհահռչակ շանսոնյե Շառլ Ազնավուրին նվիրված «Մսյո Ազնավուր» ֆիլմի պրեմիերան
Թուրքիայում F-35 կործանիչների պահեստամասերի արտադրությունը չի դադարեցվի մինչև 2020 թ․ տարեվերջ
Տնտեսություն
15.01.2020 | 22:18
Ամերիկյան «Defence One» ռազմարդյունաբերական ընկերությունը հերքել է ավելի վաղ տարածված այն հայտարարությունը, թե մինչև 2020թ․ մարտ ամիսը Թուրքիայում F-35 կործանիչների մասերի արտադրությունը կդադարեցվի։ Ըստ ընկերության հայտարարության՝ արտադրությունն ԱՄՆ տեղափոխելու գործընթացը չի ավարտվի մինչև 2020թ․ տարեվերջ։
Օրեր առաջ Պենտագոնի գնումների գծով պատասխանատու խորհրդականի օգնական Էլեն Լորդը հայտարարել էր, որ մինչև մարտ բոլոր պահեստամասերի արտադրությունը լիովին կտեղափոխվի ԱՄՆ։
Ինչպես հայտնի է՝ ռուսական S-400 հակաօդային պաշտպանության համակարգերի գնումից հետո Թուրքիան հեռացվել էր ամերիկյան F-35 կործանիչների նախագծից։ Բայց ինքնաթիռների որոշ մասեր դեռ շարունակում էին արտադրվել Թուրքիայում։
Մասնավորապես շուրջ 10 թուրքական ընկերություն արտադրում են ավելի քան 900 պահեստամասեր։ Թուրքական մամուլի պնդմամբ՝ Թուրքիայից պահեստամասերի արտադրության տեղափոխումը ԱՄՆ-ի համար 500-ից 600․000 դոլար կարժենա։
