02.07.2026 | 11:57
Եթե ՌԴ-ն փակի իր շուկան ՀՀ-ի առաջ, ԵՄ-ն կբացի դուռը 450 միլիոնանոց շուկայով․ ֆոն դեր Լայեն․ ՏԵՍԱՆՅՈՒԹ
Աշխատաշուկան և կրթությունը պետք է մոտեցնենք իրար․ Լիլիթ Մակունց. ՏԵՍԱՆՅՈՒԹ
Հասարակություն
15.01.2020 | 13:14
Տնտեսական հարցերի հանձնաժողովի նիստի ժամանակ քննարկվում է ՀՀ հարկային օրենսգրքում լրացում կատարելու մասին օրենքի նախագիծը։ Նախագիծը հեղինակել են «Իմ քայլը» խմբակցության պատգամավորներ Լիլիթ Մակունցը և Սիսակ Գաբրիելյանը։ Նախագծով առաջարկվում է աշխատող ուսանողների ուսման վարձը վերադարձնել եկամտային հարկի տեսքով։
«Իմ քայլը» խմբակցության պատգամավոր Արտակ Մանուկյանը մտահոգություն հայտնեց՝ նշելով. «Օրինակ ենթադրենք՝ մարդն ունի աշխատանք, ըստ էության, զբաղված է որևէ տեղ, կսկսի արհեստականորեն գնալ մագիստրատուրա և կրթության կարևորությունը կնվազի»։
Նախագծի համահեղինակ, «Իմ քայլը» խմբակցության ղեկավար Լիլիթ Մակունցը նկատեց, որ այսօր կան մասնագետներ, որոնք իրենց մասնագիտությամբ չեն աշխատում, ինչն իրենց մտահոգում է։ «Այս քայլով խրախուսում ենք, որ մարդիկ աշխատեն այն մասնագիտության գծով, որն իրենց պետք է, աշխատաշուկայում դրա պահանջարկը կա։ Սա նպատակներից մեկն է։ Նույն տրամաբանությամբ մենք ներդրում ենք անում պետպատվերի շրջանակներում սովորող ուսանողի վրա և հետո ընդհանրապես չենք հետաքրքրվում շատ դեպքերում լավագույն մասնագետների ճակատագրով։ Աշխատաշուկան և կրթությունը պետք է մոտեցնենք իրար, որովհետև այսօր շատ դեպքերում կրթությունն ընդամենը տեսական է և որևէ կապ չունի աշխատանքի հետ»,- ասաց Լիլիթ Մակունցը։
Մանրամասները՝ տեսանյութում։
