04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Հայաստանի և Ռուսաստանի միջև մեքենաների երթևեկության համար հսկայական միջոցների տրամադրումն ադեկվատ չէ․ Գոցիրիձե
Քաղաքականություն
15.01.2020 | 11:21
«Միացյալ ազգային շարժում» կուսակցության անդամ Ռոման Գոցիրիձեն խոսել է Քվեշեթի-Կոբի ճանապարհի նախագծի մասին՝ հայտարարելով, որ այն ծախսատար է և ռազմական առումով շատ ռիսկային. գրում է aliq.ge-ն:
Նրա խոսքով այս նախագծի իրականացման համար կծախսվի 515 մլն դոլար և Վրաստանի նման աղքատ երկրի կողմից ահռելի քանակությամբ միջոցների ներդրումը միայն այն բանի համար, որ Հայաստանի և Ռուսաստանի միջև մեքենաները երթևեկեն, ոչ ադեկվատ է:
«Այս ծրագիրը շատ ծախսատար է և ռազմական առումով շատ ռիսկային: Քանի դեռ Ռուսաստանը թշնամական պետություն է, քանի դեռ դիվանագիտական հարաբերություններ չունենք և փաստացի պատերազմական իրավիճակում ենք գտնվում, քանի դեռ Ռուսաստանը չի դառնա ժողովրդավարական պետություն, ամեն ռիսկը պետք է հաշվի առնել, ինչպես ֆինանսական, այնպես էլ ռազմական և քաղաքական»,- հայտարարել է Գոցիրիձեն:
Քվեշեթի-Կոբի ճանապարհի նախագծի մասին ավելի մանրամասն կարող եք ծանոթանալ Վրաստանի ավտոճանապարհային դեպարտամենտի տեսանյութում:
