28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Չինաստանն ու ԱՄՆ-ը պատրաստվում են ստորագրել առևտրային կարևոր պայմանագիր
Քաղաքականություն
14.01.2020 | 23:02
Չինաստանի ու ԱՄՆ-ի միջեւ առեւտրային մեկ պայմանագրի կնքումը դրական հանգամանք է երկու կողմերի համար, ասում է ԱՄՆ-Չինաստան ձեռնարկատիրության խորհրդի կառավարման հարցերով ղեկավար Աննա Էշթոնը. գրում է VOA-ն:
Չինաստանի փոխնախագահ Լիու Հիին, որը ԱՄՆ-Չինաստան համապարփակ տնտեսական երկխոսության հարցերով գլխավոր բանագնացն է, ԱՄՆ-ի հրավերով այց է կատարել Վաշինգտոն՝ ավարտին հասցնելու համար երկու երկրների միջեւ առեւտրային ուղիղ կապերի մասին պայմանագիրը։
Աշխարհի երկու խոշորագույն տնտեսություններն ունեցող ԱՄՆ-ը ու Չինաստանը մոտ երկու տարի են անցկացրել առեւտրի շուրջ առաջ եկած խնդիրներն ու տարաձայնությունները հարթելու համար, խնդիրներ, որոնք մեծապես են վնասել արտադրությունն ու արտադրողականությունը։
Որպես կողմերի միջեւ փոխըմբռնման մեկ փաստ, Դոնալդ Թրամփի վարչակազմը Չինաստանն այլեւս չի որակում որպես արժույթը շահարկող պետություն, երբ կողմերը պատրաստվում են չորեքշաբթի օրը կնքել առեւտրի մասին ՝՝Փուլ 1՛՛ անվանումը ստացած պայմանագիրը։
Հիշեցնենք, որ ԱՄՆ-ի նախագահն արդեն մի քանի տարի է տնտեսական գործողությունների դիմում ընդդեմ Չինաստանի՝ պնդելով, որ վերջինս արհեստական կերպով է իջեցնում իր արժույթի գինը, որպեսզի իր արտահանված ապրանքների գինը լինի ավելի ցածր։ Իսկ սա վնասում է Ամերիկայի արդյունաբերությանը։
