04.08.2026 | 23:08
Հաշտարարների պալատի կրթական ծրագիրը ստացել է պետական երաշխավորում
Արտահանման աճը կկազմի 9-10 տոկոս․ Տիգրան Խաչատրյան. ՏԵՍԱՆՅՈՒԹ
Տնտեսություն
14.01.2020 | 13:29
2019 թվականի 11 ամիսների արդյունքում ունենք 9 տոկոս արտահանման աճ։ Այս մասին տարեկան ամփոփիչ ասուլիսի ժամանակ ասաց ՀՀ էկոնոմիկայի նախարար Տիգրան Խաչատրյանը։
«Դրանք շարունակում են լինել այն ուղղությունները, որոնք տարեսկզբից առանձնանում էին որպես արտահանման առաջատար ուղղություններ: Կոնյակի արտահանումն աճել է 26.7 տոկոսով, ծխախոտինը` 9 տոկոսով, պղնձի խտանյութինը` 16.8 տոկոսով, անմշակ ոսկունը` 31 տոկոսով, երկաթամիահալվածքինը` 18.1 տոկոսով, շոկոլադի արտահանումը` 14.6 տոկոսով, մրգային գինիներինը` 75 տոկոսով, խաղողի գինիներինը` 26 տոկոսով և ոսկերչական իրերի արտահանումը` 19 տոկոսով»,- ներկայացրեց Տիգրան Խաչատրյանը։
Նախարարը նկատեց, որ արտահանումը տարվա հանրագումարով կլինի 9-10 տոկոսի սահմաններում։ «Ունենք կանխատեսում այն մասին, որ 2020 թվականին նույնպես ունենալու ենք արտահաման 10 տոկոս աճ»,- ասաց էկոնոմիկայի նախարարը։
Մանրամասները՝ տեսանյութում։
