04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Իրանում օդանավի կործանման գործով մի քանի մարդ է ձերբակալվել
Քաղաքականություն
14.01.2020 | 13:04
Իրանում ուկրաինական օդանավի կործանման գործով առաջին ձերբակալություններն են իրականացվել: ՌԻԱ Նովոստիի փոխանցմամբ՝ այս մասին հայտնել է ԻԻՀ դատական իշխանության պաշտոնական ներկայացուցիչ Գոլյամհոսեյն Էսմաիլին:
Այլ մանրամասներ առայժմ չեն հաղորդվում:
Ողբերգությունը, հիշեցնենք, տեղի է ունեցել հունվարի 8-ին: Թեհրան-Կիև չվերթն իրականացնող «Ուկրաինայի միջազգային ավիաուղիների» օդանավը թռիչքից կարճ ժամանակ անց կործանվել է: Բոլոր 167 ուղևորները՝ Իրանի, Ուկրաինայի, Կանադայի, Գերմանիայի, Շվեդիայի և Աֆղանստանի քաղաքացիներ, ինչպես նաև անձնակազմի 9 անդամները զոհվել են:
Պատահածի պատասխանատվությունը ստանձնել են իրանցի զինվորականները: Նրանք հայտարարել են, որ պատահմամբ են խոցել օդանավը, իսկ մեղավորը մարդկային գործոնն է. օդանավը թռել է ռազմական օբյեկտի մոտակայքով և այն շփոթել են «թշնամական թիրախի» հետ:
Միաժամանակ, Իրանում նշել են, որ ԱՄՆ-ի կողմից հարձակումների են սպասել, ինչի հետ կապված երկրի ՀՕՊ համակարգերը լիարժեք մարտական պատրաստության են բերվել:
