17.11.2024 | 21:43
ԵՄ ինտեգրումը Վրաստանի արտաքին քաղաքականության գլխավոր առաջնահերթությունն է
Ռոհանին հայտարարել է հատուկ դատարանի ստեղծման մասին՝ ուկրաինական օդանավի կործանման պատճառները հետաքննելու համար
Քաղաքականություն
14.01.2020 | 13:26
Դատական իշխանությունը պետք է հատուկ դատարան կազմավորի՝ գերագույն դատավորների և փորձագետների մասնակցությամբ, Թեհրանում ուկրաինական օդանավի կործանման պատճառները հետաքննելու համար: ԻՌՆԱ-ի փոխանցմամբ՝ այս մասին հայտարարել է Իրանի նախագահ Հասան Ռոհանին:
«Սա սովորական գործ չէ, ամբողջ աշխարհը հետևելու է այս դատավարությանը»,- ասել է Իրանի ղեկավարը:
Ռոհանին ավիաաղետի զոհերի ընտանիքներին խոստացել է ուշադրությամբ հետևել իրադարձությունների զարգացմանը՝ մատնանշելով իր հեռախոսազրույցներն այն երկրների առաջնորդների հետ, որոնց քաղաքացիները զոհվել են ուկրաինական օդանավի կործանման հետևանքով:
«Երբ հայտնի դարձավ, որ ուկրաինական օդանավի աղետի հարցում շատ ցավոտ և անթույլատրելի սխալ է թույլ տրվել, ես անհապաղ իշխանություններին հանձնարարել եմ հաղորդել այդ մասին»,- ասել է Հասան Ռոհանին:
