07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ամերիկահայ հայտնի սցենարիստն «Օսկար»-ի է առաջադրվել
Մշակույթ
14.01.2020 | 12:51
Ամերիկյան կինոակադեմիան հայտարարել է 2020 թվականին «Օսկար»-ի առաջադրվածներին: Մրցանակաբաշխությունը տեղի կունենա փետրվարի 9-ին:
«Լավագույն ադապտացված սցենար» անվանակարգում առաջադրվել է ամերիկահայ սցենարիստ, պրոդյուսեր և ռեժիսոր Սթիվեն Զաիլյանը, որն «Իռլանդացին» ժապավենի սցենարի հեղինակն է: Այս մասին գրում է Rusarminfo-ն:
Զաիլյանի սցենարով Մարտին Սկորսեզեի նկարահանած «Իռլանդացին» քրեական դրաման պատմում է տարեցների ինտերնատից ծերունու մասին, որը երիտասարդ տարիներին՝ 1950-ականներին, «Իռլանդացի» մականունով քրեական հեղինակություն է եղել: Ֆիլմում նկարահանվել են Ռոբերտ դե Նիրոն, Ալ Պաչինոն:
Նշենք, որ Սթիվեն Զաիլյանը «Շինդլերի ցուցակը» հայտնի դրամայի սցենարի համար արդեն արժանացել է «Ոսկե գլոբուսի», «Օսկարի» և այլ հեղինակավոր պարգևների:
