04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Ստամբուլի քաղաքապետ, թե՞ Թուրքիայի գործող նախագահ. ո՞ւմ կընտրեն Թուրքիայի քաղաքացիները որպես երկրի ղեկավար
Քաղաքականություն
14.01.2020 | 12:40
Թուրքական «Artıbir» սոցհետազոտությունների կենտրոնը ուսումնասիրություն է իրականացրել` պարզելու, թե Թուրքիայի քաղաքացիները նախագահական ընտրությունների ժամանակ քաղաքական գործիչներից ում են նախընտրում ձայն տալ. գրում է ermenihaber-ը:
Սոցհարցման մասնակիցներին տրվել է հետևյալ հարցը. «Եթե այս շաբաթ տեղի ունենան նախագահական ընտրություններ, ո՞ւմ կտաք ձեր ձայնը»:
Հարցման մասնակիցների 45.4 տոկոսը պատասխանել է, որ կքվեարկի Թուրքիայի ներկայիս նախագահ Ռեջեփ Թայիփ Էրդողանի, իսկ 34.6 տոկոսը նախապատվությունը տվել է Ստամբուլի գործող քաղաքապետ, ընդդիմադիր գործիչ Էքրեմ Իմամօղլուին:
Մասնակիցների միայն 8.6 տոկոսն է նշել, որ նախագահի պաշտոնում տեսնում է քրդամետ ընդդիմադիր ուժ համարվող «Ժողովուրդների դեմոկրատական» կուսակցության նախկին համանախագահ Սելահաթթին Դեմիրթաշին, որը հիմա բանտում է:
Նշյալ սոցհարցման ժամանակ մասնակիցներին տրվել է նաև Ստամբուլի ջրանցքի կառուցման վերաբերյալ հարց: Նրանց 54.2 տոկոսը դեմ է արտահայտվել ջրանցքի կառուցմանը, իսկ 42.4 տոկոսը՝ կողմ:
