22.05.2026 | 14:13
Քաղհասարակության նկատմամբ անհանդուրժողականությունը վտանգում է ժողովրդավարությունը․ ՄԻՊ
Ինչպես չնախատեսված ֆինանսական կորուստ չունենալ՝ Ryanair-ով կամ Wizzair-ով թռչելիս. ՏԵՍԱՆՅՈՒԹ
Հասարակություն
13.01.2020 | 13:05
Բոլորս պետք է հասկանանք, որ լոուքոսթեր ավիաընկերությունների ոչ բոլոր տոմսերն են 30 եվրո, կարող են նաև թանկ լինել։ Այսօր հրավիրված ասուլիսում ասաց Քաղաքացիական ավիացիայի կոմիտեի ղեկավար Տաթևիկ Ռևազյանը:
«Ես Կոպենհագենից Մալագա եմ թռել և շատ գումար եմ վճարել։ Լոուքոսթեր՝ չի նշանակում էժան գին, դա նշանակում է, որ ավիաընկերությունը խնայում է իր ծախսերը, ինչը թույլ է տալիս ավիատոմսերի գները նվազեցնել»,- ասաց նա:
Նա զգուշացրեց՝ 30 եվրոյանոց տոմս գնելիս պետք է հաշվի առնել, որ անձը վճարում է միայն տոմսի համար:
«Ryanair-ի պարագայում դա ենթադրում է, որ փոքր բեռ կարելի է վերցնել, որը կարող է տեղավորվել աթոռի տակ։ Այն, ինչ մենք համարում ենք փոքր ճամպրուկ, դրա համար պետք է վճարել։ Եթե ուզում եք 20 կիլոգրամանոց ճամպրուկ տանել, դա ուրիշ գումար է, իսկ եթե ուզում եք օդանավում տեղ ամրագրել, դա էլ է լրացուցիչ ծախս ենթադրում։ Լոուքոսթի մուտքը Եվրոպայում մարդկանց սովորեցրել է, որ կարելի է փոքր ճամպրուկ վերցնել ճամփորդության գնալիս, Հայաստանում դրա համար ժամանակ է անհրաժեշտ»,- ասաց Կոմիտեի նախագահը։
Մանրամասները՝ տեսանյութում:
Ռոբերտ Անանյան
