20.01.2026 | 21:00
Սա Կիրիենկոյի վերջին կռիվն է․ ՌԴ-ն 165 մլն դոլարից ավել կծախսի՝ ՀՀ-ում ռուսամետներին աջակցելու․ Հովսեփ Խուրշուդյան. ՏԵՍԱՆՅՈՒԹ
Երևանում այսօր ուշ երեկոյան ձյուն կտեղա, որը կշարունակվի ողջ գիշեր. Գագիկ Սուրենյան
12.01.2020 | 13:21
«Հիդրոմետ» ծառայության պետ Գագիկ Սուրենյանը ֆեյսբուքյան գրառում է արել՝ տեղեկացնելով, որ Սև ծովից ցիկլոն է ներթափանցում ՀՀ տարածք, շրջանների զգալի մասում այսօր գիշերը սպասվում է ձյուն։
«Այսօր երեկոյան ժամերին Սև ծովից թույլ արտահայտված ցիկլոն է ներթափանցում հանրապետության տարածք։
Հունվարի 12-ի երեկոյան հանրապետության հյուսիսային և կենտրոնական շրջաններում, առաջիկա գիշերը շրջանների զգալի մասում, իսկ վաղը ցերեկը հատկապես Վայոց Ձորում, Սյունիքում և Արցախում սպասվում է ձյուն։ Սպասվող ձյան շերտի բարձրությունը կկազմի 4-8սմ, Վայոց Ձորում, Սյունիքում և Արցախում 8-13սմ։
Երևանում այսօր ուշ երեկոյան կսկսվի ձյուն, որը կշարունակվի ողջ գիշեր, վաղը ցերեկը տեղումները կդադարեն։ Սպասվող ձյան շերտի բարձրությունը Երևանում կլինի 4-6 սմ»,– գրել է նա։
