18.10.2026 | 16:45
Սպիտակ տունն առաջարկել է ԵՄ-ին ավելացնել ռուսական գազի գնումները, իսկ Ուկրաինային՝ վերսկսել դրա տարանցումը․ NYT
«Իրանական ռեժիմին» կոչ ենք անում ներողություն խնդրել բրիտանացի դեսպանին բերման ենթարկելու համար. ԱՄՆ Պետդեպ
Քաղաքականություն
12.01.2020 | 13:14
ԱՄՆ-ի Պետդեպարտամենտի մամուլի քարտուղար Մորգան Օրթագուսը հայտարարություն է տարածել Թվիթերի իր միկրոբլոգում՝ կոչ անելով «իրանական ռեժիմին» ներողություն խնդրել Մեծ Բրիտանիայի դեսպան Ռոբերտ Մաքեյրին բերման ենթարկելու համար։
«Իրանական ռեժիմը բերման է ենթարկել Իրանում Մեծ Բրիտանիայի դեսպանին։ Դա Վիեննայի կոնվենցիայի խախտում է, որը ռեժիմի համար առաջին դեպքը չէ։ Մենք կոչ ենք անում ռեժիմին պաշտոնապես ներողություն խնդրել Մեծ Բրիտանիայից իրավունքների խախտման համար և հարգել բոլոր դիվանագետների իրավունքները»,- գրել է Օրթագուսը։
Նշենք, որ նախօրեին Թեհրանում անցկացվող բողոքի ակցիայի ժամանակ «Ցուցարարների շրջանում որոշ արմատական գործողություններ հրահրելու մեջ» ներգրավվածության կասկածանքով մի քանի ժամով բերման էր ենթարկվել բողոքի ցույցին ներկա գտնված Իրանում Մեծ Բրիտանիայի դեսպան Ռոբերտ Մաքեյրը։
Մի քանի ժամ անց նա ազատ էր արձակցել, սակայն ավելի ուշ պետք է տար բացատրություններ տեղի ունեցածի կապակցությամբ։
Ակցիա անցկացվել է ի նշան բողոքի Թեհրանի մերձակայքում խոցված ուկրաինական ինքնաթիռի փաստով։
