16.02.2026 | 16:25
Հայտնի է Հայաստանի հավաքականի կազմը Երևանում կայանալիք հրաձգության Եվրոպայի առաջնությունում
Ըմբիշ Գևորգ Մխեյանը դարձել է Թախթիի մրցաշարի արծաթե մեդալակիր
11.01.2020 | 12:22
Ազատ ոճի ըմբշամարտի հավաքականը նորից մեդալ է նվաճել Իրանի միջազգային մրցաշարում. այս մասին հայտնում է ֆեդերացիան: 70 կգ քաշային Գևորգ Մխեյանը արծաթե մեդալ նվաճեց Թեհրանում ավարտված Թախթիի Գավաթի 40-րդ խաղարկությունում։
Նույն քաշային կարգում բրոնզե մեդալ է նվաճել Արման Անդրեասյանը։
Բրոնզե պարգևի են արժանացել նաև 74 կգ քաշային Խաչատուր Պապիկյանը և 86 կգ քաշային Մհեր Մարկոսյանը։
Հայ ազատ ոճայինները հայրենիք են վերադառնում 6 մեդալով՝ 2 արծաթե և 4 բրոնզե։
Նախօրեին 57 կգ քաշային կարգում արծաթե մեդալակիր էր դարձել Արսեն Հարությունյանը, իսկ նույն քաշային կարգի բրոնզե մեդալը բաժին էր հասել Միհրան Ջաբուրյանին։
