18.10.2026 | 16:10
Որակյալ կերերից մինչև մաքրացեղ խոզեր․ «Օջախ Ագրո»-ի առաջարկները․ ՏԵՍԱՆՅՈւԹ
Աբխազիայի նախագահական նստավայրը շարունակում է ընդդիմության վերահսկողության տակ մնալ
Քաղաքականություն
11.01.2020 | 11:16
Աբխազիայի նախագահի նստավայրը շարունակում է ընդդիմության վերահսկողության տակ գտնվել. հայտնում է «ՌԻԱ Նովոստի»-ի թղթակիցը դեպքի վայրից:
Շենքի մուտքի մոտ ընդդիմության մի քանի տասնյակ կողմնակիցներ են կանգնած՝ իրենց մեքենաներով: Նրանք ուրախությամբ քննարկում են վերջին իրադարձությունները:
Իսկ շենքում ընդդիմադիրները մի քանի աշխատասենյակ են զբաղեցրել: Որոշ սենյակներում էլ իսկական քաոս է` չինովնիկների իրերը դեսուդեն են շպրտված, կահույքը` շրջված է, մի քանի պատուհան՝ կոտրված:
Ընդդիմադիր «Միացյալ Աբխազիա» քաղաքական կուսակցության նախագահ Սերգեյ Շամբան «Sputnik-Աբխազիա» գործակալությանը հայտնել է, որ ցուցարարները չեն լքի շենքն այնքան ժամանակ, քանի դեռ նախագահ Ռաուլ Խաջիմբան վայր չի դրել լիազորությունները:
Ընդդիմության առաջնորդ Ասլան Բժանիան, շրջապատված է տասնյակ անվտանգության աշխատակիցներով, ժամանել է «Լեոն» հյուրանոց, որտեղ բանակցում է դաշնակիցների հետ հետագա գործողությունների վերաբերյալ:
Հիշեցնենք, որ ուրբաթ Աբխազիայի գերագույն դատարանը չեղարկել էր Առաջին ատյանի դատարանի որոշումը, որն ուժի մեջ էր թողել 2019 թ. աշնանն անցկացված նախագահական ընտրությունների արդյունքները, որում հաղթանակ էր տարել Խաջիմբան, և նոր ընտրությունների անցկացման որոշում կայացրել:
Աբխազիայի խորհրդարանը քվեարկել է նախագահ Ռաուլ Խաջիմբայի հրաժարականի օգտին: Ավելի վաղ Խաջիմբան հրաժարվել էր լքել նախագահի պաշտոնը, սակայն ընդդիմության հետ բանակցությունների պատրաստակամություն էր հայտնել:
