Քիմ Քարդաշյանին մարտահրավերը պարզապես չի հասել, իսկ ամերիկահայերը սյուրպրիզներ են անում. Հայկակ Արշամյանը՝ Հայաստան հիմնադրամին նվիրատվության չելենջի մասին

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Թեև «Հեռուստամարաթոն-2019»-ին հանգանակվեց 9,856,100 ԱՄՆ դոլար, որն ամենաքիչն էր 2006-ից ի վեր «Հայաստան» համահայկական հիմնադրամի կազմակերպած դրամահավաքներից, այնուհանդերձ նշվեց, որ այսուհետ կարևորվելու է ոչ թե ավելի շատ գումար, այլ ավելի շատ նվիրատուների ներգրավումը։

ՀՀ վարչապետ Նիկոլ Փաշինյանը հեռուստամարաթոնի օրը մարտահրավեր նետեց կամ ինչպես ինքն ասաց՝ «նետելը լավ բառ չէ», մարտահրավիրեց աշխարհահռչակ հայորդիներին յուրաքանչյուր ամիս 20-22 դոլար նվիրաբերել հիմնադրամին՝ ի բարօրություն մեր հայրենիքի: Փաշինյանն ասաց, որ տաղավար գալուց առաջ ինքը կարգաբերել էր, որ իր հաշվեհամարից ամսական 10 000 դրամ փոխանցվի «Հայաստան» համահայկական հիմնադրամին:

Մարտահրավիրվեցին Քիմ Քարդաշյանը, Սերժ Թանկյանն ու Ալեքսիս Օհանյանը: Վարչապետին արագ արձագանքեցին Սերժ Թանկյանն ու Ալեքսիս Օհանյանը:

Իսկ ինչո՞ւ Քիմ Քարդաշյանը չարձագանքեց. Factor.am-ն այս հարցն ուղղեց «Հայաստան» համահայկական հիմնադրամի տնօրեն Հայկակ Արշամյանին. «Կարծում եմ, մարտահրավերը նրան չի հասել պարզապես, իսկ թե ինչու՝ չեմ կարող ասել»:

Հիմնադրամի տնօրենից հետաքրքրվեցինք, արդյոք ճիշտ են տեղեկությունները, որ ամերիկահայերը մեծ ոգևորությամբ են ընդունել մարտահրավերն ու նվիրատվություններն այնտեղից աճում են: «Այո՛, քանի որ մեր գրասենյակն այնտեղ առանձին կայք ունի, այն բավական ակտիվացել է ու կարող եմ ասել, մոտ 1550 դոնոր է գրանցվել օնլայն՝ 250-260 հազար դոլար նվիրատվությամբ: Անցած տարի իրենք օնլայնով ունեցել են 147 000 դոլար գումար, իսկ սա նշանակում է, որ բավական առաջ է գնացել: Եվ պարբերականությունն է շատացել, որովհետև իրենք պարբերական նվիրատվություն չունեին անցած տարի: Ու դա այնտեղ անընդհատ շարունակվում է, ու ասում են, որ սյուրպրիզներ ենք ունենում»,- ներկայացրեց հիմնադրամի տնօրենը։

Արշամյանը մանրամասնեց, որ նոր հանգանակվող գումարները նույնպես կնպատակաուղղվեն խմելու ջրի մատակարարման և արևային էներգիայի կիրառման ծրագրերի իրականացմանը Արցախում, ինչպես նաև Հայաստանի երեք մարզերում՝ Տավուշում, Լոռիում ու Շիրակում:

Նշենք, որ Հայկակ Արշամյանն, ամփոփելով «Հայաստան» համահայկական հիմնադրամի 2019թ․ դրամահավաքը, նշել էր, որ դեկտեմբերի 27-ի ժամը 14։00 դրությամբ www.himnadram.org կայքում արդեն գրանցվել է 3,509 դոնոր, որոնց նվիրատվությունները միասին գեներացրել են 326,786 ԱՄՆ դոլարին համարժեք գումարը։

«Ուրախությամբ նշեմ, որ կայքի նոր նվիրատուների գրանցումը չի դադարում ու վստահ եմ, որ կշարունակվի 2020 թվականին՝ ի վերջո մոտակա տարիներին հյուսելով հարյուր հազարավոր հայրենակիցների այն ցանցը, որն ի զորու է լինելու իրականացնել ցանկացած մեծ ու փոքր նախագիծ ու գաղափար։ Մյուս ուրախալի ամփոփումը՝ հեռուստամարաթոնի օրը հայտարարված 9,856,100 ԱՄՆ դոլար գումարն, արդեն հասել է 10,688,142-ի»,- գրել էր հիմնադրամի տնօրենը:

Անահիտ Խաչատրյան