30.04.2026 | 09:17
ՀՀ-ն Թրամփի «Խաղաղության խորհրդի» կանոնադրությունը վավերացնելու գործընթաց է սկսել
Աբխազիայի խորհրդարանը կողմ է քվեարկել երկրի նախագահի հրաժարականին
Քաղաքականություն
10.01.2020 | 13:39
Աբխազիայի խորհրդարանը կողմ է քվեարկել երկրի նախագահ Ռաուլ Խաջիմբայի հրաժարականին: Այս մասին հայտնում է JAM News-ը։
Քվեարկած պատգամավորներից 19-ը կողմ է եղել, 4-ը՝ դեմ, 1-ը՝ ձեռնպահ է մնացել։
Երեկ՝ հունվարի 9-ին էլ, նախագահը ցուցարարների 5 հոգանոց պատվիրակության հետ համաձայնել էր բանակցել, սակայն հանդիպման ժամանակ հայտնել էր, որ չի պատրաստվում հրաժարական ներկայացնել:
Հիշեցնենք՝ Աբխազիայի մայրաքաղաք Սուխումում երկրի ընդդիմությունը բողոքի ակցիաներ է կազմակերպել՝ արգելափակելով երկրի նախագահական և խորհրդարանական աշխատակազմերի շենքը: Ընդդիմության ավելի քան 200 ներկայացուցիչ ներխուժել է շենք և ոչ ոքի ներս չի թողել՝ արգելափակելով մուտքն ու պահանջելով գործող նախագահ Ռաուլ Խաջիմբայի հրաժարականը:
Նշենք, որ Աբխազիայում ցուցարարները դժգոհ են նախագահի կառավարումից, ինչպես նաև այն բանից, թե դատարանում ինչպես են անցկացվում նախագահական ընտրություններում պարտված ընդդիմության թեկնածու Ալհաս Կվիցինիի գործի լսումները։ Բողոքի պատճառ է դարձել նաև երկրում տիրող սոցիալ-տնտեսական վատ իրավիճակը, կոռուպցիան և 2019 թվականի նոյեմբերին Սուխումում տեղի ունեցած կրակոցների հետաքննությունը:
