31.08.2026 | 23:00
Երևանում տեղադրվել է COP17-ի մեկնարկի հետհաշվարկի խորհրդանիշը
«Ըստ հետախուզական տեղեկությունների՝ ուկրաինական ինքնաթիռը հրթիռից է խոցվել». Կանադայի վարչապետ
Քաղաքականություն
10.01.2020 | 11:05
Բազմաթիվ հետախուզական աղբյուրներից տեղեկություններ ունենք, համաձայն որոնց՝ ինքնաթիռը գնդակոծվել է մակերևույթից արձակված հրթիռից: Այս մասին երեկ՝ հունվարի 9-ին Կանադայի մայրաքաղաք Օտտավայում կայացած մամուլի ասուլիսին նշել է Կանադայի վարչապետ Ջասթին Թրյուդոն. գրում է The Guardian-ը:
«Մենք բազմաթիվ հարցեր ունենք և չենք հանգստանա՝ քանի դեռ չենք գտել դրանց պատասխանները»,- ասել է Թրյուդոն:
Հիշեցնենք, որ մինչև Կանադայի վարչապետի ասուլիսը, ամերիկյան CNN-ը տեղեկություն էր տարածել այն մասին, որ ուկրաինական ինքնաթիռը խոցվել է Իրանից արձակված հրթիռի կողմից:
Պաշտոնական Պենտագոնը մինչ այժմ չի հաստատել, սակայն չի էլ հերքել այս պնդումները:
Նշենք, որ հունվարի 8-ին Թեհրանի մերձակայքում ուկրաինական ինքնաթիռի կործանման հետևանքով զոհվել էր է 176 անձ, որոնցից 63-ը` Կանադայի քաղաքացի:
