Քաղաքականություն
10.01.2020 | 10:07
ԱՄՆ Կոնգրեսի ներկայացուցիչների պալատն ընդունել է բանաձև, որն արգելում է ԱՄՆ նախագահ Դոնալդ Թրամփին ռազմական գործողություններ իրականացնել Իրանի դեմ՝ առանց օրենսդիրների թույլտվության։ Այս մասին հայտնում է CNBC-ն:
Մարտական գործողություններ իրականացնելու՝ նախագահի լիազորությունների սահմանափակման վերաբերյալ քվեարկությունը տեղի է ունեցել երեկ՝ հունվարի 9-ին։ Փաստաթղթին հավանություն է տվել պալատի անդամների մեծ մասը (224 կողմ և 194 դեմ):
Փաստաթղթի հեղինակն է դեմոկրատ Էլիսա Սլոտկինը։ Ներկայացուցիչների պալատի խոսնակ Նենսի Փելոսին հայտարարել է, որ սա հստակ ուղերձ է առ այն, որ Թրամփն այլևս չպետք է որևէ ռազմական գործողություն ձեռնարկի՝ առանց Կոնգրեսի համաձայնության:
