20.01.2026 | 20:48
Իմպերիալիստական հավակնությունները վերածնվում են. Մակրոնը քննադատել է Թրամփի՝ «կանոններից զուրկ աշխարհը»
Կառավարությունն առաջարկում է արգելել ՀՀ-ից փայտանյութի և դրանից պատրաստված որոշ ապրանքների արտահանումը ոչ ԵՏՄ երկրներ
Տնտեսություն
09.01.2020 | 15:20
Իրավական ակտերի նախագծերի հրապարակման միասնական կայքում ներկայացվել է «ՀՀ կողմից երրորդ երկրներ արտահանման դեպքում արգելված ապրանքախմբերի ցանկը հաստատելու մասին» ՀՀ կառավարության որոշման նախագիծը:
Նախագծով առաջարկվում է արգելել փայտանյութի և դրանից պատրաստված որոշ ապրանքների արտահանումը Հայաստանից երրորդ՝ ոչ ԵՏՄ երկրներ։
«Հայաստանի Հանրապետությունից փայտանյութի և դրանից պատրաստված որոշ ապրանքների արտահանման արգելքի պահանջ սահմանելու նպատակահարմարության հարցը պայմանավորված է շրջակա միջավայրի պահպանության անհրաժեշտությամբ»,- նշված է նախագծում։
Նախագծում ներկայացված են ապրանքախմբերի անվանումները, որոնց արտահանումն առաջարկում է արգելել.
1․ Վառելափայտ՝ գերանների, ծղանների, ճյուղերի, ցախի տրցակների տեսքով կամ այլ համանման ձևերով
2.Ասեղնատերև տեսակներից, Սաղարթավոր տեսակներից
3․Անտառանյութեր՝ չմշակված, կեղևը կամ մատաղ շերտերը հեռացրած կամ կոպիտ եզրատաշած կամ չեզրատաշած
4․Փայտանյութ՝ տակառագործական, ճեղքած գերաններ, փայտե ցցագերաններ, ցցեր և սյուներ՝ սրածայր, բայց երկայնքով չսղոցած
5․Անտառանյութեր՝ կոպիտ տաշած, բայց չշրջատաշած, չկորացած և այլ եղանակով չմշակած
6․Գործիքների և համանման արտադրատեսակների համար նախատեսված ձեռնափայտերի, հովանոցների, բռնակների արտադրության համար օգտագործվող, ծեղ և համանման փայտանյութ:
Նախագիծը մշակվել է ՀՀ շրջակա միջավայրի նախարարության անտառային կոմիտեի մասնագետների կողմից:
