21.06.2026 | 19:02
Ջեյ Դի Վենսը հայտնել է Իրանի հետ բանակցություններում առաջընթացի մասին
«2019-ին գրանցված շտապօգնության կանչերը 14․558-ով գերազանցում են 2018-ի կանչերին»․ «Շտապօգնություն» ՓԲԸ տնօրեն
Հասարակություն
09.01.2020 | 13:50
2019 թվականին գրանցվել է շտապօգնության 262․441 կանչ, որը 14․558-ով գերազանցում է 2018 թվականի կանչերին։ Կանչերի արդյունքում 59․671 մարդ հիվանդանոց է տեղափոխվել։ Այս թիվը 5565-ով գերազանցում է 2018 թվականին։ Այս մասին այսօր լրագրողների հետ զրույցում նշեց Երևանի քաղաքապետարանի վերահսկողության տակ գտնվող «Շտապօգնություն» ՓԲԸ տնօրեն Թագուհի Ստեփանյանը։
Նրա տեղեկացմամբ՝ 2019-ի ընթացքում գրանցված մանկական կանչերի թիվը 27․075 է, որը 506-ով գերազանցում է նախորդ տարվան։
Անդրադառնալով տոնական օրերին՝ դեկտեմբերի 30-հունվարի 7-ն ընկած ժամանակահատվածում գրանցված շտապօգնության կանչերին, Թագուհի Սետփանյանը նշեց․ «Գրանցվել է 8146 կանչ, որը 304-ով ավելի է, քան անցյալ տարի։ 1657 հիվանդ տեղափոխվել է հիվանդանոց։ Մանկական կանչերի թիվը 798 է։ Հիավանդանոց է տեղափոխվել 276 երեխա, ինչը 23-ով ավելի է, քան նախորդ տարի։ Ամենաշատ կանչերը գրանցվել են հունվարի 6-ին՝ 976 կանչ, որից 220-ի դեպքում քաղաքացուն հիվանդանոց են տեղափոխել»։
Նրա խոսքով՝ տոնական օրերին պայթուցիկ նյութերի օգտագործման 9 դեպք է գրանցվել, որից 2-ը՝ երեխայի մասնակցությամբ, 7-ը՝ մեծահասակի։ 3 անձ հիվանդանոց է տեղափոխվել, մեկը՝ երեխա, 2-ը՝ մեծահասակ։
«Ոգելից խմիչքներ օգատգործելու 81 դեպք է գրանցվել, որից 34-ի դեպքում քաղաքացուն հիվանդանոց են տեղափեխել։ Սննդային թունավորմամբ գրանցվել է երկու դեպք»,- տեղեկացրեց «Շտապօգնություն» ՓԲԸ տնօրենը։
Նելլի Մելքոնյան
