31.08.2026 | 23:00
Երևանում տեղադրվել է COP17-ի մեկնարկի հետհաշվարկի խորհրդանիշը
Գործ չտալու մասին խոսողներն ամենամեծ գործ տվողներն են. Նիկոլ Փաշինյան. ՏԵՍԱՆՅՈՒԹ
Քաղաքականություն
09.01.2020 | 12:42
«Ենթադրում եմ, որ մեր քննարկման արդյունքում սոցիալական ցանցերում ակտիվանալու է ժողովրդին գործ տվող դարձնելու մղումների մասին խոսակցությունը, ես էլի ներողություն խնդրելով, որպես մարդ, որ հանգամանքների բերումով լայն շփում է ունեցել այդ ենթամշակույթը կրող շրջանակների հետ, ուզում եմ ասել, որ գործ չտալու մասին խոսողներն ամենամեծ գործ տվողներն են՝ այն պայմանով, որ դա նրանք անում են իրենց անձնական, կոնկրետ խնդիրներ լուծելու և իրենց անձնական շահագրգռությունների համար»,- Կառավարության այսօրվա նիստի ժամանակ ասաց ՀՀ վարչապետ Նիկոլ Փաշինյանը։
Նա նշեց, որ իրենց առաջարկն այն է, որ եկեք հանրային շահի համար մեր ունեցած տեղեկատվությունը, տեսածը և լսածը, անկախ այդ պահին մեր նեղ շահերին ինչքանով է հակասում, օգտագործենք մեր ներուժը հանրային շահի համար։
«Մեր գաղափարախոսությունն այն է, որ մենք պետք է որպես մի երկիր, որպես հանրություն, որպես ընտանիք մեր ընդհանուր գործերը կարգավորենք։ Երբ որ գաղափարը քննարկեցինք և կարգախոս առաջարկեցինք՝ «Հայաստանն իմ օջախն է, ժողովուրդն իմ ընտանիքն է», մեկնաբանություններ եղան, թե վարչապետն այս կարգախոսն առաջ քաշելով… դրա գաղափարախոսությունն այն է, որ հեսա Կառավարության ղեկավարը կստանա ժողովրդի հոր կարգավիճակ՝ մեզ հայտնի տրամաբանությամբ։ Մենք ասել ենք, որ ժողովրդի հայր կամ չգիտեմ ինչ լինելու հավակնություն չունենք»,- ասաց Նիկոլ Փաշինյանը։
Մանրամասները՝ տեսանյութում։
