06.07.2026 | 23:19
«Ուժեղ Հայաստան» դաշինքը դատապարտել է Գագիկ Ծառուկյանի նկատմամբ իրականացվող գործողությունները
Բազմոցին պառկած մարդու աղքատությունը Կառավարությունը չի հաղթահարելու. Նիկոլ Փաշինյան. ՏԵՍԱՆՅՈՒԹ
Հասարակություն
09.01.2020 | 12:30
Վարչապետ Նիկոլ Փաշինյանը Կառավարության այսօրվա նիստում անդրադարձավ մարդկանց կյանքը փոխելու և ՀՀ-ում լավ ապրելու իրենց պատկերացրած բանաձևին, առաջարկին։ Վարչապետը նկատեց, որ աշխատանքն է ՀՀ-ում բարեկեցություն հաստատելու, աղքատությունը հաղթահարելու միջոցը։
«Հիմա մենք աշխատանքի համար ստեղծել ենք բավարար դաշտ։ Ստեղծված է դաշտ, որտեղ դուք սեփական մտքով, սեփական գաղափարներով, այնտեղ, որտեղ կունենաք աջակցության կարիք, մենք ունենք պետական կառույցներ և ծրագրեր, որ կաջակցեն ձեր գործարար ակտիվությանը, ահա ստեղծել ենք այդ դաշտը, որպեսզի ՀՀ քաղաքացիները հնարավորություն ունենան իրենց աշխատանքով վաստակել օրվա հացը։ Սա է կյանքը փոխելու մեր բանաձևը»,- նշեց Փաշինյանը։
Նա նկատեց, որ չաշխատող մարդը ոչ մի երկրում լավ չի կարող ապրել։
«Բազմոցին պառկած մարդու աղքատությունը Կառավարությունը չի հաղթահարելու»,- ընդգծեց Փաշինյանը։
Մանրամասները՝ տեսանյութում։
