02.04.2026 | 22:10
Ավստրիան հայտարարել է, որ մերժել է ԱՄՆ-ին իր օդային տարածքը օգտագործել
Գնդակն ընդդիմության դաշտում է. Վրաստանի խորհրդարանի խոսնակ
Քաղաքականություն
09.01.2020 | 11:33
«Մենք առաջարկ ենք արել, գնդակը գտնվում է ընդդիմության դաշտում, այժմ մենք նրանցից ռացիոնալ պատասխաններ ենք ակնկալում»,- այս մասին լրագրողներին ասել է Վրաստանի խորհրդարանի խոսնակ Արչիլ Թալակվաձեն՝ խոսելով ընտրական համակարգի մասին,- գրում է aliq.ge-ն:
«100/50-ով շատ իրատեսական առաջարկ է, քանի որ այն կտրուկ նվազեցնում է մեծամասնականների թիվը և մեծացնում խորհրդարանում մանդատների բաժինը: Սա այն բալանսն է, որն ուզում էր ընդդիմությունը: Մենք արեցինք այս առաջարկը»,- ասել է Թալակվաձեն:
Հիշեցնենք, որ Վրաստանի խորհրդարանը նոյեմբերի 14-ին տապալեց համամասնական համակարգին անցնելու մասին օրինագիծը, որից հետո սկսվեցին բողոքի ցույցեր: Նոյեմբերի 18-ին խորհրդարանի մոտ անցկացվող հավաքը ցրելու համար ջրցան մեքենաներ կիրառվեցին, իսկ ՆԳՆ-ն ձերբակալեց 37 ցուցարարների՝ վարչական իրավախախտումների օրենսգիրքը խախտելու համար:
