20.01.2026 | 17:27
Դուք, ձեր խմբակցությունը, ձեր բռնապետիկը․ Վահագն Ալեքսանյանը՝ Արմենուհի Կյուրեղյանին․ ՏԵՍԱՆՅՈՒԹ
Կահիրեում կհանդիպեն Եգիպտոսի, Հունաստանի և Կիպրոսի արտգործնախարարները
Քաղաքականություն
08.01.2020 | 23:02
Հունվարի 9-ին Կահիրեում հանդիպում է տեղի ունենալու Եգիպտոսի, Հունաստանի և Կիպրոսի Հանրապետության արտգործնախարարների միջև: Այս մասին հայտնում է թուրքական աղբյուրը` պնդելով, որ այդ եռակողմ հանդիպումը կրում է հակաթուրքական բնույթ. գրում է ermenihaber-ը:
Նշվում է, որ Եգիպտոսի գլխավորած այդ համաժողովի ընթացքում քննարկվելու է արաբական աշխարհում պատժամիջոցների հարցը:
Թուրքական աղբյուրի փոխանցմամբ` պաշտոնական Աթենքն ակնկալում է Եգիպտոսի միջոցով արաբական աշխարհին ներգրավել Թուրքիայի դեմ ծրագրվող գործողություններում:
«Հունաստանն այդ կերպ ցանկանում է արաբական աշխարհում բողոքի ալիք բարձրացնել թուրքական արտադրության ապրանքների դեմ: Իսկ Եգիպտոսն էլ, նման դաշինքով Մերձավոր Արևելքում շահեկան դիրք զբաղեցնելով, կրկին ցանկանում է Արևմուտքի համար դերակատարում ունենալ»,- նշել է աղբյուրը:
