12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Լևոն Հայրապետյանի հարազատները չեն համաձայնել հետմահու դադարեցնել նրա դեմ հարուցված քրգործը
18.10.2017 | 19:19
Իր մահկանացուն ՌԴ կալանավայրում կնքած հայ գործարար, «Սոբեսեդնիկ» հրատարակչության տնօրեն Լևոն Հայրապետյանի հարազատները չեն համաձայնել հետմահու դադարեցնել նրա դեմ հարուցված քրգործը: Այդ մասին ria.ru-ին հայտնել է նրա փաստաբան Դավիդ Խեչանը:
«Բարեկամները չեն համաձայնելու դադարեցնել գործը: Մեղադրյալի մահվան առնչությամբ գործի դադարեցման մասին խոսք լինել չի կարող»,- ասել է փաստաբանը՝ շեշտելով, որ թե՛ ինքը, թե՛ բարեկամները տրամադրված ենք գործը մինչև վերջ հասցնելուն:
«Նրան, փաստորեն, սպանեցին»,- կարծում է փաստաբանը: Նա գտնում է, որ իր պաշտպանյալի կալանավորումն ու կալանավայրում պահելն ապօրինի էին՝ հիշեցնելով, որ Հայրապետյանն իրեն որևէ քրգործով մեղավոր չէր ճանաչում:
Հիշեցնենք, որ Լևոն Հայրապետյանը մեղադրվում էր իրավաբան Սերգեյ Անտոնովի հետ Բաշկիրիայի նախկին սենատոր Իգոր Իզմեստևի մորից 700 000 դոլար վերցնելու մեջ` իր որդու դատավճիռը մեղմելու համար: Ըստ քննության՝ Հայրապետյանը գումարը վերցնելուց հետո չի կարողացել ազդել դատավճռի մեղմման վրա, ինչի արդյունքում Իզմեստևը դատապարտվել է ցմահ ազատազրկման: Հայրապետյանը ձերբակալվել էր 2014թ. հուլիսին` Իզմեստևի խոստովանական ցուցմունքներից հետո ու դատապարտվել էր 4 տարվա ազատազրկման:
