01.05.2026 | 17:30
«Ֆորա» բանկի մասին ձայնագրության Նարեկը Դո՞ւք եք. Նարեկ Կարապետյանը խուսափեց պատասխանից․ ՏԵՍԱՆՅՈՒԹ
Երեխաների շրջանում պայթուցիկներից վնասվածքների դեպքերը քչացել են․ բժիշկ
Հասարակություն
08.01.2020 | 16:18
«Սուրբ Աստվածամայր» ԲԿ պլաստիկ ռեկոնստրուկտիվ վիրաբուժության և միկրովիրաբուժության բաժանմունքի բժիշկ Արթուր Հարությունյանը լրագրողների հետ զրույցում տեղեկացրեց, որ Ամանորի գիշերը՝ ժամը 01։30-ի սահմաններում, իրենց մոտ աջ դաստակի պայթյունային վնասվածքով 10-ամյա երեխա է ընդունվել։
Բժշկի տեղեկացմամբ՝ երեխան իրենց մոտ է տեղափոխվել Թալինի ԲԿ-ից։
«Այնտեղ ցուցաբերվել է առաջին բժշկական օգնություն։ Երեխայի մոտ առկա էր լուրջ վնասվածք, դաստակն ամբողջությամբ պայթյունային վերքերով էր։ Ունեինք երկրորդ մատի լրիվ անդամահատում, առաջին մատի և երրորդ մատի ոչ լրիվ անդամահատում։ Ցավոք սրտի, անդամահատված մատի սեգմենտը վերականգման ենթակա չէ։ Առաջին և երրորդ մատերը հնարավոր եղավ վերականգնել»,- տեղեկացրեց Սուրբ Աստվածամայր» ԲԿ-ի պլաստիկ ռեկոնստրուկտիվ վիրաբուժության և միկրովիրաբուժության բաժանմունքի բժիշկը։
Արթուր Հարությունյանը նկատեց, որ ցավոք սրտի, միակ դեպքը չի եղել, եղել է ևս մեկ լուրջ դեպք։ Նա տեղեկացրեց, որ մեծահասակների դեպքում վնասվածքները ևս շատ չեն եղել։ «Մեզ մոտ սպասարկվել է ընդհանուր 6 դեպք, մեկը՝ մեծահասակ։ Նախորդ տարիների հետ համեմատած՝ երեխաների շրջանում վնասվածքները քչացել են, լուրջ վնասվածքով երկու երեխա ենք ընդունել, նախորդ տարիներին ունեինք մինչև 10 երեխա»,- տեղեկացրեց նա։
