20.01.2026 | 17:27
Դուք, ձեր խմբակցությունը, ձեր բռնապետիկը․ Վահագն Ալեքսանյանը՝ Արմենուհի Կյուրեղյանին․ ՏԵՍԱՆՅՈՒԹ
Այսօր Տերյանի մահվան 100-րդ տարելիցն է
Հասարակություն
07.01.2020 | 16:23
ՀՀ ԿԳՄՍ նախարարությունից տեղեկացնում են, որ նախարար Արայիկ Հարությունյանը, նախարարի տեղակալներ Նարինե Խաչատուրյանը և Արայիկ Խզմալյանն այսօր այցելել են Կոմիտասի անվան պանթեոն՝ հարգանքի տուրք մատուցելու մեծանուն գրողի հիշատակին։
Հայ մեծագույն քնարերգուն վախճանվել է Օրենբուրգում 1920 թ. հունվարի 7-ին 35 տարեկան հասակում՝ ծանր հիվանդության հետևանքով։ Ավելի քան մեկ տասնամյակ ավանդաբար նշվում են Տերյանական օրերը պոետի ծննդավայրում` Ջավախքի Գանձա գյուղում, որի շրջանակում կազմակերպվող ուխտագնացությունը հովանավորվում է ՀՀ կրթության, գիտության, մշակույթի և սպորտի նախարարության կողմից:
Ներկայում ՀՀ ԿԳՄՍ նախարարությունը ՀՀ ԱԳՆ նախարարության հետ համատեղ Վրաստանի կրթության, գիտության, մշակույթի և սպորտի նախարարության հետ քննարկում են Գանձայում Վահան Տերյանի տուն-թանգարանի հիմնանորոգման հարցը, որը վրացական
կողմը ևս իր ուշադրության տակ է առել:
