18.10.2026 | 13:43
Օդի ջերմաստիճանը կնվազի
ԱՄՆ իշխանություններն սկսել են պատժամիջոցներ մշակել Իրաքի դեմ. WP
Քաղաքականություն
07.01.2020 | 14:06
ԱՄՆ-ն սկսել է պատժամիջոցներ նախապատրաստել Իրաքի դեմ՝ վերջինիս կողմից իրենց երկրի տարածքում ամերիկյան զորքերի դուրսբերման մասին խորհրդարանական բանաձևի ընդունումից հետո։ Ինչպես տեղեկացնում է РИА Новости-ն, այս մասին հայտնում է The Washington Post-ը։
Պաշտոնյաների խոսքով, եթե սահմանափակումներն ամեն դեպքում կիրառվեն, ապա դրանցում առաջնային դեր կխաղան Ֆինանսների նախարարությունն ու Սպիտակ տունը: Այնուամենայնիվ, նրանք ընդգծել են, որ վերջնական որոշում դեռ չի կայացվել:
Իրաքի խորհրդարանն ավելի վաղ կառավարությանը կոչ էր արել ամերիկյան ուժերը դուրս բերել։ Դրանից հետո ԱՄՆ նախագահ Դոնալդ Թրամփն Իրաքին սպառնացել է պատժամիջոցներով՝ Վաշինգտոնի նկատմամբ թշնամական գործողությունների դեպքում։
