30.04.2026 | 12:22
Խուլիան Ալվարեսը գերազանցել է Մեսիի ցուցանիշը Չեմպիոնների լիգայում
Հայաստանի և Իրանի արտգործնախարարները քիչ առաջ հեռախոսազրույց են ունեցել, քննարկել տարածաշրջանում ստեղծված իրավիճակը. Նիկոլ Փաշինյան
Քաղաքականություն
05.01.2020 | 12:59
Հայաստանի և Իրանի արտգործնախարարները քիչ առաջ հեռախոսազրույց են ունեցել, քննարկել տարածաշրջանում ստեղծված իրավիճակը: Հայաստանի արտգործնախարարը ցավակցություն է հայտնել Իրանի կառավարությանը և ժողովրդին՝ մարդկային զոհերի հանգեցրած իրավիճակի կապակցությամբ: Այս մասին այսօր՝ ֆեյսբուքյան ուղիղ եթերի ընթացքում նշեց Հայաստանի վարչապետ Նիկոլ Փաշինյանը:
«Իրանը մեզ համար բարեկամ երկիր է, ԱՄՆ-ն մեզ համար բարեկամ երկիր է, և այս իրավիճակում մենք չենք կարող ներքաշվել հակաիրանական կամ հակաամերիկյան գործողությունների մեջ: Մեր ուղերձն այն է, որ Իրանի և ԱՄՆ-ի մեր գործընկերները զերծ մնան այնպիսի քայլերից, որոնք կվատթարացնեն մեր տարածաշրջանում և միջազգային հարաբերություններում առանց այդ էլ լարված իրավիճակը»,- ասաց Փաշինյանը:
Նրա խոսքով՝ Հայաստանի համապատասխան մարմիններին հաձնարարականներ են տրված իրավիճակին հետևել: «Կառավարությունը և իրավասու պետական պաշտոնյաները 24 ժամ իրար հետ կապի մեջ են»,- ասաց վարչապետը:
Ֆեյսբուքյան ուղիղ եթերի ընթացքում Նիկոլ Փաշինյանը՝ մի խումբ լեռնագնացների հետ բարձրանում էր Գեղարքունիքի մարզի Արտանիշ լեռը: Նա նշեց, որ իր այդ քայլով կոչ է անում ինչպես Հայաստանում առողջ ապրելակերպին, այնպես էլ տարածաշրջանում խաղաղության հաստատմանը:
Նելլի Մելքոնյան
