18.10.2026 | 13:43
Օդի ջերմաստիճանը կնվազի
Անտառային հրդեհների դեմ պայքարում Ավստրալիան պահեստազորի ավելի քան 3000 զինվորական կներգրավի
Քաղաքականություն
05.01.2020 | 01:05
Ավստրալիայի պատմության մեջ առաջին անգամ անտառային հրդեհների դեմ պայքարում պահեստազորի ավելի քան 3000 զինվորական կներգրավվի: Այս մասին հայտնում է Deutsche Welle-ն՝ հղում անելով երկրի վարչապետ Սքոթ Մորիսոնին: Բացի այդ, Ավստրալիայի կառավարությունը որոշել է լրացուցիչ 4 հակահրդեհային ինքնաթիռ վարձել՝ դրանց համար տրամադրելով 20 մլն դոլար: Սպասվում է, որ հակահրդեհային ինքնաթիռներից երկուսն Ավստրալիա կհասնեն մեկ շաբաթից: Թե որ երկիրն է ինքաթիռները վարձակալության տալիս, աղբյուրը չի մանրամասնում:
Հիշեցնենք, որ վերջին ամիսներին Ավստրալիայում խոշոր հրդեհների հետևանքով մոտ 5 մլն հեկտար անտառ է վառվել, զոհվել է առնվազն 23 մարդ և հազարավոր կենդանիներ, ավերվել՝ ավելի քան 1000 տուն: Անտառային հրդեհների պատճառով Ավստրալիայի շրջաններում և մայրաքաղաքում օդի աղտոտվածությունը 26 անգամ գերազանցել է «կյանքի համար վտանգավոր» սահմանը: Երկրի որոշ նահանգներում արտակարգ դրություն է հայտարարվել:
