27.09.2026 | 09:01
Համաշխարհային օլիմպիադա. Հայաստանի հավաքականների մրցակիցները վերջին տուրում
Հասան Ռոհանին տեսակցել է Ղասեմ Սուլեյմանիի ընտանիքին
Քաղաքականություն
04.01.2020 | 16:19
ԱՄՆ-ն մեծ սխալ է գործել` սպանելով Իրանի «Իսլամական հեղափոխության պահապանների կորպուսի» «Ղոդս» հատուկ ստորաբաժանման ղեկավար, գեներալ Ղասեմ Սուլեյմանիին։ Ինչպես տեղեկացնում է РИА Новости-ն, այս մասին հայտարարել է Իրանի նախագահ Հասան Ռոհանին։
«Ամերիկացիները չեն հասկացել, թե ինչ մեծ սխալ են գործել։ Հետևանքներին նրանք կբախվեն ոչ միայն այսօր, այլև հետագա տարիների ընթացքում»,- նշել է Իրանի նախագահը՝ գեներալի ընտանիքին տեսակցության ժամանակ։
Հիշեցնենք, որ հունվարի 3-ին Ղասեմ Սուլեյմանին Բաղդադի միջազգային օդանավակայանի մերձակայքում սպանվել էր ամերիկյան օդուժի կողմից։ Ամերիկյան ռազմական գերատեսչության մամուլի ծառայությունը նաև տեղեկացրել էր, որ գործողությունն իրականացվել է ԱՄՆ նախագահ Դոնալդ Թրամփի կարգադրությամբ։
