20.01.2026 | 20:48
Իմպերիալիստական հավակնությունները վերածնվում են. Մակրոնը քննադատել է Թրամփի՝ «կանոններից զուրկ աշխարհը»
Աշտարակ-Գյումրի ավտոճանապարhին մեքենան բախվել է քարերին․ 2 անձ զոհվել է
03.01.2020 | 14:15
Հունվարի 2-ին՝ ժամը 23:46-ին, «911» ծառայություն տեղեկություն է հաղորդվել, որ Արագածոտնի մարզի Աշտարակ քաղաքի «Արծվի թևեր» հանգստյան գոտի տանող ավտոճանապարhին տեղի է ունեցել ՃՏՊ, կա տուժած: Այս մասին տեղեկացնում են ԱԻՆ մամուլի ծառայությունից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Աշտարակ-Գյումրի ավտոճանապարhի 2-րդ կմ-ին «Mercedes» մակնիշի ավտոմեքենան (վարորդ` Ավետիս Ն.) դուրս է եկել ճանապարհի երթևեկելի հատվածից և բախվել ճանապարհամերձ քարերին, ինչի հետևանքով վարորդը տեղում մահացել է։
Մինչ փրկարարների՝ կանչի վայր հասնելը ուղևոր Լյովա Մ.-ին դուրս են բերել ավտոմեքենայից և մոտեցրել շտապօգնության ավտոմեքենային։ Տուժածը հոսպիտալացվել է Աշտարակի ԲԿ, այնուհետև՝ «Աստղիկ» ԲԿ, որտեղ և մահացել:
Փրկարարներն ավտոմեքենայից դուրս են բերել վարորդի դին, մոտեցրել դի տեղափոխող ավտոմեքենային, այնուհետև՝ հոսանքազրկել ավտոմեքենան և փակել գազի բալոնի փականը:
