02.02.2026 | 23:29
Թուրքիան և Ադրբեջանը պետք է ապացուցեն, որ ԵՄ-ին Ռուսաստանի գազ չեն մատակարարում
«Եռաբլուրում» 2000 ծառ կտնկվի
Հասարակություն
18.10.2017 | 13:21
«Եռաբլուր» զինվորական պանթեոնում հոկտեմբերի 21-ին հայտարարված համապետական շաբաթօրյակի ընթացքում կիրականացվի ծառատունկ: Զինվորական պանթեոնում նախատեսվում է տնկել շուրջ 2000 ծառ: Այս մասին այսօր Տարածքային կառվարաման և զարգացման նախարարությունում «Մաքուր Հայաստան» ծրագրի շրջանակում կայացած աշխատանքային խորհրդակցության ընթացքում տեղեկացրեց Տարածքային կառավարման և զարգացման փոխնախարար Վաչե Տերտերյանը:
«Իհարկե, 2000 ծառ մի օրում տնկել հնարավոր չէ, բայց այդ օրը մեկնարկը կտրվի»,- ասաց Տերտերյանը:
Հիշեցնենք՝ կառավարության հոկտեմբերի 12-ի նիստում վարչապետ Կարեն Կարապետյանը Տարածքային կառավարման և զարգացման նախարար Դավթի Լոքյանին հանձնարարեց ապահովել հոկտեմբերի 21-ին երրորդ համապետական շաբաթօրյակի կազմակերպումը։ «Մաքուր Հայաստան» ծրագրի շրջանակում իրականացված շաբաթօրյակների արդյունքում, ըստ Կարապետյանի, 2017 թվականի հոկտեմբերի 3-ի դրությամբ 2029 աղբանոցից մաքրվել կամ կոնսերվացվել է 1574-ը։
