17.11.2024 | 17:39
Ալիևն ԱՄՆ կոնգրեսականների հետ հանդիպմանը դժգոհել է ՀՀ Սահմանադրությունից
Թուրքիայի նախկին ԱԳ նախարարը կուսակցություն կհիմնի հունվարին
Քաղաքականություն
28.12.2019 | 15:49
Օրերս Թուրքիայի նախկին վարչապետ Ահմեթ Դավութօղլուի կողմից «Ապագա» կուսակցության հիմնումից բացի 2020-ի հունվարին ևս մեկ կուսակցություն կհիմնվի. գրում է ermenihaber-ը:
Այդ նոր կուսակցության հիմնադիրը Թուրքիայի նախկին արտգործնախարար ու փոխվարչապետ Ալի Բաբաջանն է: Վերջինս Դավութօղլուի նման ժամանակին գործունեություն է ծավալել Էրդողանի գլխավորած «Արդարություն և զարգացում» (AKP-ԱԶԿ) կուսակցության շարքերում, վերջերս էլ լքել էր ԱԶԿ-ն՝ պատրաստվելով հիմնել նոր կուսակցություն:
Բաբաջանը թուրքական T24 լրատվական կայքին տված հարցազրույցում հայտնել է, որ կուսակցության հիմնադրման աշխատանքները նախատեսվածից ավելի երկար են տևել և կավարտվեն հունվարին:
Նա նշել է, որ կուսակցության անունը որոշելու է ժողովուրդը՝ չհայտնելով, սակայն, թե ինչ եղանակով է դա տեղի ունենալու:
Բաբաջանի խոսքով իրենց կուսակցությունը լավ կադրեր է ունենալու և չի լինելու մեկ մարդու կուսակցություն, քանի որ Թուրքիան ևս մեկ «մեկ մարդու կուսակցության» կարիք չունի (նկատի ունի Էրդողանի գլխավորած ԱԶԿ-ն-խմբ.):
Բաբաջանը հայտարարել է նաև, որ ընտրվելու դեպքում իրենք 1 ամսում կկայունացնեն երկրի տնտեսությունը, իսկ դատական համակարգին էլ կասեն, որ այլևս չեն գործելու՝ ըստ ստացած հեռախոսազանգերի:
