ԵՊՀ-ում տեղի ունեցած դեպքի առթիվ քննարկում ենք ունեցել Արամ Սարգսյանի հետ․ Նիկոլ Փաշինյան. ՏԵՍԱՆՅՈՒԹ

Երբ որ ասում ենք, որ ՀՀ-ում մարդու իրավունքները պետք է պաշտպանված լինեն, նկատի ունենք, որ ՀՀ-ում մարդու իրավունքները պետք է պաշտպանված լինեն։ Այս մասին կառավարության նիստի ժամանակ ասաց վարչապետ Նիկոլ Փաշինյանը։ «Մեծ հաշվով՝ ոչ մի նորություն չկա, բայց պրոբլեմն այն է եղել, երբ որ ՀՀ-ում եղել է կոռուպցիայի դեմ պայքարի հանձնաժողով, այդ հանձնաժողովում սովորաբար ընդգրկված են եղել կոռուպցիայի մեջ ամենամեծ հաջողություններ կամ պոտենցիալ ունեցող մարդիկ։ Երբ որ ասվել է, որ մարդու իրավունքների պաշտպանության ռազմավարություն է ընդունվել, դա օգտագործվել է որպես ծխածածկույթ մարդու իրավունքները ոտնահարելու համար։ Եվ մենք պետք է մյուս կողմից առերեսվենք, որ մի օրում հնարավոր չէ իրականությունը փոխել»,- նկատեց Փաշինյանը։

Վարչապետն ընդգծեց, որ այո՛, պետք է խոստովանենք, որ շատ դեպքերում մեր Ոստիկանությունը, իրավապահ մյուս համակարգի ներկայացուցիչները, պետական ծառայողներն, ընդհանուր առմամբ, չարդարացված ագրեսիվություն են ցուցաբերում մարդկանց նկատմամբ։ «Եվ սա, մեր մեջ ասած, ունի շատ կոնկրետ պատճառ՝ դա բավարար իմացության, կրթության, գրագիտության իրազեկվածության պակասն է։ Բայց որպեսզի մենք այս պրոբլեմը լուծենք, պետք է առաջին հերթին խոստովանենք։ Հիմա վերջին օրերին շատ լայնորեն քննարկվում է ԵՊՀ-ում տեղի ունեցած դեպքը, և մենք նաև Ոստիկանության պետի պաշտոնակատարի հետ քննարկում ենք ունեցել, պետք չի փախնել, պետք է խոստովանել, որ տեղի է ունեցել սխալ։ Սխալ, որն իր հետ պետք է բերի հետևանքներ, այո՛, դրա քաղաքական պատասխանատվությունը մենք ենք, բայց շատ կարևոր է, որ հանրության համար որևէ կասկած չմնա՝ մենք ուզո՞ւմ ենք էդպես լինի, թե՞ մենք իրականում աշխատում ենք, որ այդպես չլինի։ Սա շատ կարևոր արձանագրում է»,- ասաց Նիկոլ Փաշինյանը։

Մանրամասները՝ տեսանյութում։