27.08.2026 | 22:44
Վարորդական իրավունք ստանալու համար ուսուցումը կդառնա պարտադիր. ՆԳՆ-ն օրենքների նախագծերի փաթեթ է շրջանառության մեջ դրել
Պուտինի՝ Ռոբերտ Քոչարյանին ուղղված շնորհավորական ուղերձը ՌԴ նախագահի կայքում տեղադրված չէ
Քաղաքականություն
26.12.2019 | 13:46
ՀՀ երկրորդ նախագահ Ռոբերտ Քոչարյանի պաշտոնական կայքը տեղեկացնում է, որ ՌԴ նախագահ Վլադիմիր Պուտինը գալիք տոների կապակցությամբ շնորհավորական ուղերձ է հղել Ռոբերտ Քոչարյանին:
«Ռուսաստանում բարձր են գնահատում Ձեր ավանդը մեր երկու պետությունների միջև բարեկամական հարաբերությունների և փոխշահավետ համագործակցության զարգացման գործում»,- նշված է կայքում հրապարակված ուղերձում:
Շնորհավորելով Նախագահ Քոչարյանին Նոր տարվա և Սուրբ Ծննդյան տոնի կապակցությամբ՝ Վլադիմիր Պուտինը նրան ամուր առողջություն, տոկունություն և լավատեսություն է մաղթել։
Նշենք, սակայն, որ ՌԴ նախագահի պաշտոնական կայքում նման լուր հրապարակված չէ:
Kremlin.ru-ում շնորհավորական ուղերձի մասին վերջին հրապարակումն արվել է դեկտեմբերի 24-ին, երբ Վլադիմիր Պուտինը տարեդարձի կապակցությամբ շնորհավորել է Ադրբեջանի նախագահ Իլհամ Ալիևին:
