Տնտեսություն
25.12.2019 | 14:23Այս պահին ընթացող գործընթացը քննչականում հարուցված գործն է։ Այս մասին տարեվերջյան ամփոփիչ ասուլիսի ժամանակ ասաց շրջակա միջավայրի նախարար Էրիկ Գրիգորյանը՝ անդրադառնալով Ամուլսարի շահագործման վերաբերյալ հարցին։
«Քրեական գործ է հարուցվել բնապահպանական տեղեկատվությունը Շրջակա միջավայրի նախարարության՝ նախկին Բնապահպանության նախարարության որոշ պաշտոնատար անձանց կողմից թաքցնելու մասով, և այն մեր 13 կետը, որոնք որ մենք ներկայացրել ենք, հիմնականում քննարկվում է այդ քրեական գործի շրջանակներում։ Բազմիցս կետերով ներկայացրել եմ, թե ինչ խնդիրներ կարող են առաջանալ, եթե այդ անհամապատասխանությունները ճիշտ են»,- ասաց նախարարը։
Նա նաև անդրադարձավ իրենց հասցեագրված Թեղուտի հանքավայրի հետ կապված գրությանը և նկատեց․ «Թեղուտի հանքավայրի հետ կապված գրությունը ստացել ենք և այն փոխանցել ենք նաև լիազոր մարմնին, քանի որ հարցը բարձրացվում է Թեղուտի պոչամբարի պատվարի հետ կապված և ոչ բնապահպանական ավելի լայն խնդիրների մասով։ Իսկ բնապահպանական խնդիրների մասով մեր նախարարության աշխատակիցներն այս տարի 10 տարբեր հանքերում գնացել և մոնիթորինգ են իրականացրել, առավել լայն կտրվածքով հաշվետվություն ենք իրականացրել»։
Մանրամասները՝ տեսանյութում։
