Հասարակություն
17.10.2017 | 18:232017 թվականի առաջին 9 ամիսներին քննվել է ընտանեկան բռնության 602 դեպք, որից 142-ով հարուցվել են քրեական գործեր: Այս մասին այսօր «Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին» օրինագծի վերաբերյալ հրավիրված խորհրդարանական լսումների ժամանակ հայտնեց Ոստիկանության քրեական հետախուզության գլխավոր վարչության անչափահասների իրավունքների պաշտպանության և ընտանեկան բռնության դեմ պայքարի վարչության պետ, գնդապետ Նելլի Դուրյանը:
Նելլի Դուրյանի տեղեկացմամբ՝ նախորդ տարվա նույն ժամանակահատվածում գրանցվել է ընտանեկան բռնության 521 դեպք, որից 97-ով հարուցվել են քրեական գործեր:
«Յուրաքանչյուր ընտանիքում կա առնվազն մեկ երեխա, որը նույնիսկ չի ենթարկվում ֆիզիկական բռնության, բայց հոգեբանական բռնության ենթարկվում է անպայման: Եթե մենք ուզում ենք, որպեսզի մեր ընտանիքներում չլինի բռնություն և բռնության ենթարկված անձ, ուրեմն մեզ պետք է համապատասխան օրենք: Գուցե օրենքում կա հասկացոuթյունների հստակեցման կարիք, բայց դա զուտ տեխնիկական խնդիր է: Շուրջ 20 տարի ընտանիքների և երեխաների, կարող եմ ասել, այո՛, ունենք բռնություն: Պետք է անենք ամեն ինչ, որպեսզի օգնենք զոհերին, նաև բռնություն գործադրողին նույնպես »,- նշեց Նելլի Դուրյանը:
Տիկին Դուրյանի համոզմամբ՝ օրենքի առկայությունը կօգնի կանխարգելել բռնությունը:
Մանրամասները՝ տեսանյութում:
